बिस्तारै छायो

कर्णदास

बिस्तारै छायो आखामा अध्यारो - आवाज मधुरो २
सुस्तरी सास हुँदै थियो फितलो २
आशुको ओइरो २
बिस्तारै छायो आखामा अध्यारो - आवाज मधुरो
लिन मलाई कोही आइरहेछ - हात बढाइरहेछ २
सधै सधैको लागि अर्कै लोकमा बोलाइरहेछ
कहाँ जादैछुँ कोसँग जादैछुँ सम्बन्ध गहिरो २
बिस्तारै छायो आखामा अध्यारो - आवाज मधुरो
चिच्याउन मन भइरहेछ बोली बिलाइरहेछ २
पल पल यो क्षणहरु यही कही हराइरहेछ
कहाँ पुग्दैछु कोसँग भेट्दैछु धुम्म छ कुहिरो २
बिस्तारै छायो आखामा अध्यारो - आवाज मधुरो २
सुस्तरी सास हुँदै थियो फितलो २
आशुको ओइरो २

बनेको छ पहराले

गोपाल योञ्जन

बनेको छ पहराले यो छाती मेरो
बगेको छ छहरा रगतमा मेरो
पखेरुमा जन्मी टाकुरामा खेल्ने
म झुक्दै नझुक्ने नेपालको छोरो २

(खोसेको रोटीले मेरो पेट भरिन्न
मागेको धोतीले मेरो लाज छोपिन्न) २
घोटिएर हात पाउ झरिजाउन नौला
तर कोही अगाडि यी हात जोडिन्न
यी हात जोडिन्न

बनेको छ पहराले यो छाती मेरो
बगेको छ छहरा रगतमा मेरो
पखेरुमा जन्मी टाकुरामा खेल्ने
म झुक्दै नझुक्ने नेपालको छोरो २

(म आगो सहन्छु अन्याय सहन्न
म तृष्णा सहन्छु तिरस्कार सहन्न) २
मेरो शिर उडाऊ बरु त्यो सहन्छु
तर कोही परायाले टेके सहन्न
टेके सहन्न

बनेको छ पहराले यो छाती मेरो
बगेको छ छहरा रगतमा मेरो
पखेरुमा जन्मी टाकुरामा खेल्ने
म झुक्दै नझुक्ने नेपालको छोरो २

एउटै बाटो

दीप श्रेष्ठ
रचना : रमन घिमिरे
एल्बम : श्रृखला

एउटै बाटो सधै भेटघाट भइरहँदा
मुस्कानहरु साटिएछन् देखिरहँदा
हो कुन बिन्दुमा मन खुले पत्तै भएन
कसले राख्यो पहिलो प्रस्ताव थाहै भएन
हो कसले राख्यो पहिलो प्रस्ताव थाहै भएन
एउटै बाटो सधै भेटघाट भइरहँदा

(कैले घुइचो कैले हल्ला कैले एकान्त
कैले खुशी कैले सुर्ता कैले अशान्त) २
बाढ्दा बाढ्दै एक अर्कामा संकोच रहेन
यस्तै घडी कहाँ मिल्यौं थाहै भएन
हो यस्तै घडी कहाँ मिल्यौं थाहै भएन
एउटै बाटो सधै भेटघाट भइरहँदा

(भीडले एक्लो पार्दा पार्दै नजिक भएछौं
शायद विश्‍वास खोज्दा खोज्दै आफ्नो भएछौं) २
तिमीसित भेटे पछि पीरै रहेन
कति छिटो खुशी झुले थाहै भएन
हो कति छिटो खुशी झुले थाहै भएन

एउटै बाटो सधै भेटघाट भइरहँदा
मुस्कानहरु साटिएछन् देखिरहँदा
हो कुन बिन्दुमा मन खुले पत्तै भएन
कसले राख्यो पहिलो प्रस्ताव थाहै भएन
हो कसले राख्यो पहिलो प्रस्ताव थाहै भएन

मेरो आँखामा

दीप श्रेष्ठ

मेरो आँखामा भरदिन बादल छाइरह्यो
बिन्ति छ कसैले आँधी ल्याइदेऊ
मेरो छातीमा भररात रातले टेकिरह्यो
बिन्ति छ कसैले उज्यालो ल्याइदेऊ
मेरो आँखामा
(अन्धो छु म बाटो खोजी हिड्छु
आऊ कोही मलाई बाटो देखाऊ) २
मेरो आँखामा भरदिन बादल छाइरह्यो
बिन्ति छ कसैले आँधी ल्याइदेऊ
मेरो छातीमा भररात रातले टेकिरह्यो
बिन्ति छ कसैले उज्यालो ल्याइदेऊ
(बहिरो छु म केही सुन्ने रहर छ
आऊ कोही मलाई सहारा देऊ) २
मेरो आँखामा भरदिन बादल छाइरह्यो
बिन्ति छ कसैले आँधी ल्याइदेऊ
मेरो छातीमा भररात रातले टेकिरह्यो
बिन्ति छ कसैले उज्यालो ल्याइदेऊ
मेरो आँखामा

झिरमा उनिनु

स्वर : दीप श्रेष्ठ
एल्बम : दृष्टि

(झिरमा उनिनु त्यो एउटा कुरा पीरमा उनिनु त्यो एउटा कुरा
नभिज्ने आँखा कस्को छ र तर झर्नु नझर्नु त्यो अर्कै कुरा) २
झिरमा उनिनु त्यो एउटा कुरा
मैले कहाँ भने र पीरै पीर भो भनेर २
तल तल खस्दा पनि भीरै भीर भो भनेर
कराएरै जन्मे २
चुपचाप मरुँला जति सुकै चलोस् मनमा छुरा
झिरमा उनिनु त्यो एउटा कुरा
भाग्य कहाँ खसेर अन्धकार नै भएछ २
झुकी झुकी बोल्दा पनि अहंकार भैगएछ
हराएरै गए २
चुपचाप बसुँला जति सुकै खेलोस् मनमा कुरा
झिरमा उनिनु त्यो एउटा कुरा पीरमा उनिनु त्यो एउटा कुरा
नभिज्ने आँखा कस्को छ र तर झर्नु नझर्नु त्यो अर्कै कुरा
झिरमा उनिनु त्यो एउटा कुरा

असारै मैनामा

छुज्जङ डुक्पा

असारै मैनामा पानी पर्‍यो रुझाउने
एक्लो यो मेरो मन कसरी बुझाउने
भन्थिन है मैच्याङले रुदै बरर
नौ डाँडा पारि छ कम्पनी शहर
बिछोडको बेलैमा २

मनै बराल्ने न्याउलको बोली २
यै बेला मैच्याङ के गर्दै होली २
पिंढीमा बसेर के के कुरा गम्दी हो
कहिले हास्दी हो कहिले रुदी हो
मलाई नै सम्झेर २

छङ छङ बग्ने खहरे खोला २
अब त छोरा कुद्‍ने भो होला २
दिनभरि खेल्दो हो मलाई नै भुल्दो हो
साँझ परे पछि आमालाई सोध्दो हो
खोई बाबा भनेर २

असारै मैनामा पानी पर्‍यो रुझाउने
एक्लो यो मेरो मन कसरी बुझाउने
भन्थिन है मैच्याङले रुदै बरर
नौ डाँडा पारि छ कम्पनी शहर
बिछोडको बेलैमा २